دوناتس

المقادير

- 5 كوب دقيق

- بيضتين بدرجة حرارة الغرفه

- نصف كوب زبده بدرجة حرارة الغرفه

- كوب وربع حليب دافي

- معلقه كبيره خميره

- معلقه صغيره بيكنج بودر

- معلقه صغيره فانيليا

- 2 معلقه كبيره سكر

- رشة ملح

طريقة التحضير 

- في طبق كبير هنحط كل المكونات ونعجنهم كويس لمدة 10-15 دقيقه لحد ماالعجينه تبقا لينه ومش بتلزق في الايد

- نغطي العجينه بكيس نايلون ونسيبيها تخمر لمدة ساعه بالظبط لا اكتر ولا اقل

- نفرد العجينه بالنشابه على رخامه مرشوشه بشوية دقيق بسيط ونبدأ نقطعها بقطاعة الدوناتس ونسيبها ترتاح لمدة نص ساعه

- نقليها في زيت سخن بس مش اوي لحد ما لونها يصفر كل وش بياخد اقل من دقيقه وممكن نرصها فى صينيه مدهونه بشوية زيت وندخلها الفرن على درجة حرارة متوسطه مع تقليبها لحد ما لونها يبقى ذهبي

- نصفيها من الزيت على مناديل مطبخ ورقيه ونسيبها تبرد ونزينها بالسكر البودره او الايسينج أو الشوكولاته المذابه وبالهنا والشفا

نصائح لنجاح الدوناتس ✅ 

- لازم نتأكد من نوع وصلاحية الخميره والبيكنج بودر

- لازم نعجن كويس حوالي 10-15 دقيقه عشان العجينه تنعم بعد التخمير

- بلاش نبالغ في كمية الدقيق اللي هنفرد بيها على الرخامه ولما نيجي نفرد العجينه لازم نفردها طبقه سميكه مش رفيعه

- ضروري جداً نسيبها تخمر بعد التقطيع

- الزيت اللي هنقلي فيه لازم يكون حرارته متوسطه مش سخن اوي

- ارتفاع الدوناتس في الزيت وظهور خط ابيض في النص يدل على نجاح الوصفه