اعلانااااااااااااااااااااا

قائمه لافطار عزومه رمضان



هذه مجرد أقتراحات لقائمه لافطار عزومه رمضان

وعليك ان تختاري بعض الاصناف وليس كلها


العصاير

طبعا الكركديه والخروب والسوبيا وعصير القصب
وكل انواع عصير الفواكه وممكن قمر الدين بس تقيل في الحر ده

♥ - ♥ - ♥ - ♥ - ♥ - ♥ - ♥ - ♥ - ♥ - ♥

الشوربه

لازم علي الاقل صنف شوربه ممكن المشروم
لان اغلب الناس بتحبها او شوربه الشعريه بالتربيه او شوربه الخضر بالكريمه

♥ - ♥ - ♥ - ♥ - ♥ - ♥ - ♥ - ♥ - ♥ - ♥

المقبلات و المعجنات

السمبوسك وفي ملف المعجنات طرق كتير لها
وطبعا الرقاق والجلاش والسبرينج رولز والبوريك وفطاير السبانخ والجبنه والزعتر

♥ - ♥ - ♥ - ♥ - ♥ - ♥ - ♥ - ♥ - ♥ - ♥

السلطات

انواع السلطه الخضراء بالتتبيلات المختلفه هي الافضل في الحر ده 

♥ - ♥ - ♥ - ♥ - ♥ - ♥ - ♥ - ♥ - ♥ - ♥

اللحوم

لو العزومه كبيره ومهمه يبقي لازم صنف رئيسي زي الديك الرومي او الفخده البتلو
ولو العدد قليل يبقي الفخده الضاني او البط 
وصنف او صنفين تانيين من اللحوم انا باحد جدا صدر الرومي المخلي والمعمول شرايح
 مثل اللحمه البارده كل الناس بتحبه وكمان الريش اللي بالعسل تحفه


♥ - ♥ - ♥ - ♥ - ♥ - ♥ - ♥ - ♥ - ♥ - ♥

المحشي

طبعا لا يعلي علي ورق العنب بس لو صعب عليكي اي نوع محشي

♥ - ♥ - ♥ - ♥ - ♥ - ♥ - ♥ - ♥ - ♥ - ♥

الارز والمكرونه

الارز البخاري جميل جدا وبيعجب الناس اوي وارز الخلطه برضه حلو
ومطلوب والمندي والبرياني او اي صنف ارز خفيف من الملف
اما المكرونه فانا باعمل دايما اما النجرسكو او اللي بالجمبري والكريمه

♥ - ♥ - ♥ - ♥ - ♥ - ♥ - ♥ - ♥ - ♥ - ♥

الحلو

الحلويات الشرقيه سواء الكنافه والبقلاوه وام علي مطلوبين
بس الحلويات اللي باستعمال الفواكه هم احلي حاجه 
وطبعا تورته الايش كريم في الحر ده مغريه

و طبعا زي ماقلت مش كل الاصناف انت ختاري اللي يناسبك
بس يا ريت تختاري صنف من كل نقطه علشان يكون فيه تنوع

إرسال تعليق

0 تعليقات