-->

باتيه بالشوكولاته


المقادير

- نص كيلو دقيق متعدد الاستخدامات
- كباية لبن دافي
- بيضه
- معلقه كبيره زبده
- معلقه صغيره خميره فوريه
- معلقه صغيره فانيليا
- 5 معلقه كبيره سكر
- معلقه صغيره ملح
- شيكولاته هيرشي والبديل بتاعها اي نوع شوكولاته تحبوه ونقطعها مكعبات صغيره
- صفار بيضه ومعلقتين لبن ورشة نسكافيه للوش

طريقة التحضير

- في طبق غويط نضيف الخميره مع 4 معالق لبن ومعلقتين سكر ونخلطهم مع بعض ونسيبهم لمدة 10 دقايق
- نجيب طبق تاني ونحط فيه الدقيق ونعمل حفره في النص وننزل بخليط الخميره واللبن والسكر
- نضيف باقي كمية اللبن والسكر والبيض والفانيليا والملح
- نعجن الخليط كويس ونضيف الزبده في اخر مرحله من العجن
- نستمر في العجن لحد ما العجينه تبقا لينه ونحسها انها لزجه وبتلزق في ايدينا
- نغطي العجينه كويس ونسيبها تخمر ساعه
- بعد الساعه نحط العجينه على رخامه مرشوشه بشوية دقايق ونقسمها 10 قطع
- نفرد كل قطعه وندهن الوش زبده بالفرشاه ونطبق العجينه ونفردها مره كمان
- نوزع قطع الشوكولاته في نص العجينه وفي الاطراف
- نلف العجينه ونحطها في صينيه مفروشه بورق الزبده ونكرر نفس الخطوات مع باقي القطع وبعد مانخلص الكميه كلها ونغطي الصينيه لمدة ساعه الا ربع ونسيبها تخمر
- نسخن الفرن على 200 درجه
- نخلط صفار البيضه مع معلقتين اللبن ورشة النسكافيه وندهن وش الباتيه بالفرشاه براحه خالص
- نخبز الباتيه لمدة 20-25 على نفس درجة الحراره لحد ما يستوي وينفش والوش ياخد لون دهبي

التسمية

عن الكاتب :

انا ورقه طارت 🍂 من شجر نادر 🌳 حطت على أرض بور 🌱

ليست هناك تعليقات

إرسال تعليق

الاسم

بريد إلكتروني *

رسالة *