المقادير
كبايه ونص دقيق متعدد الاستخدامات
2 معلقه صغيره سكر
2 معلقه صغيره بيكينج بودر
معلقه صغيره بيكينج صودا
ربع معلقه صغيره ملح
معلقه صغيره فانيليا
كباية لبن دافي
بيضتين كبار
ربع كباية زبده مذابه
الطريقه
في طبق كبير هننخل الدقيق مع البيكينج بودر والبيكنج صودا والسكر والملح والفانيليا
نضرب البيض لحد ما ينفش وبعدين نضيف اللبن والزبده المذابه
ونخفقهم كويس وبعدين نضيف خليط الدقيق
ونخفقهم تاني لحد ما العجينه تبقى متماسكه ومش سايله اوي
نسخن طاسه تيفال على نار متوسطه وندهنها بنقطتين زيت او زبده
وناخد شويه من العجينه بمغرفه صغيره وننزل بيها في نص الطاسه
نوطي النار خالص واول ما اللون يبقى دهبي نقلبه على الوش التاني لحد ما يحمر
ملحوظه
لازم نمسح الطاسه بفوطه نضيفه وندهنها بنقطتين زيت او زبده بين كل واحده والتانيه
بعد ما نخلص الكميه كلها ممكن نقدمه مع النوتيلا او العسل والفواكه وبيبقا حلو اوي مع البطاطس الفارم
0 تعليقات