المقادير
نصف كيلو ملوخية مفرومة
2 كوب شوربة
1 أو 2 معلقة سمنة بلدي
2 معلقة كبيرة ثوم مفروم
2 معلقة كبيرة كسبرة ناشفة
طريقة التحضير
- حطي الملوخية في حلة على النار
وضيفي الشوربة بالتدريج لحد الحصول على القوام المطلوب
سواء تقيل أو خفيف حسب رغبتك
وسيبيها لحد ما تسخن فقط، بدون ما تغلي
- ضيفي خليط الثوم مع الملوخية وقلبيها كويس
وبمجرد ما تاخد غلوة ارفعيها من على النار
للطشة
- شوحي الثوم مع السمنة البلدي وضيفي الكسبرة
وشوحيها مع الثوم وبعدين حطيها على الملوخية
نصائح مهمة 👌🏼
- ممكن تضيفي قطرات صغيرة من عصير الليمون للشوربة قبل ماتحطي الملوخية
هتديكي لون أخضر جميل للملوخية
- ضيفي نصف ملعقة صغيرة من البيكنج صودا
وقلبيها مع الملوخية قبل ماتحطيها في الشوربة
لأن البيكنج صودا بيساعد في رفع القوام
وهيخليكي تحصلي على ملوخية قوامها مظبوط زي المطاعم بالظبط
- اوعي تغطي حلة الملوخية
وهي سخنة عشان لونها مايتغيرش وتبقى غامقة وتسقط في القاع
وبلاش تسيبيها تغلي كتير يادوب تاخد غلوة واحدة
