كونو بيتزا

 

المقادير

2 كوب دقيق

ربع كوب حليب بودرة

ثلث كوب زيت

ماء دافي للعجن

معلقة وصغيرة خميرة

معلقة كبيرة سكر

نصف معلقة صغيرة ملح

الحشو

صلصة

جبنة موتزاريلا

مكعبات صغيرة (بصل وطماطم و فلفل و زيتون)

سوسيس أو نوع لحوم تحبوه

طريقة التحضير

- نخلط المكونات الجافة كويس وبعدين نضيف الزيت

ونخلطهم مع بعض كويس وبعدين نضيف الماء الدافي بالتدريج

ونعجن كويس لحد ما العجينة تلم معانا وندهنها زيت بسيط

ونغطيها نسيبها تخمر في مكان دافي لمدة ساعة

- نرش شوية دقيق على الرخامة

ونفرد العجينة عليها بالنشابة

- نقطع العجينة على شكل دوائر ونقسمها بالطول شرائط طويلة أو مثلثات

وكل مثلث هنلفه حوالين قمع معدني أو ورق فويل على شكل قرطاس

وندهن أطراف المثلثات بـ بيضة مخفوقة مع معلقة صغيرة خل عشان نلزق الاطراف

وبعدين نحط الأقماع في الفرن ربع ساعة دقيقة تستوي نصف سوى

وبعدين نسيبها تبرد ونشيل الأقماع ونحشيها بالحشو

وندخلها الفرن تاني ونسيبها تكمل سوى

طريقة تسوية السوسيس

هنسلقه لمدة 3 دقائق وبعدين نقطعه مكعبات صغيرة

ونشوحه بمعلقة سمن ونحط بصل شرائح وفلفل أخضر ورشة ملح وفلفل أسود

ونسيبه 10 دقائق مع التقليب لحد ما يستوي