بيتزا الستيك

 

المقادير

2 كوب دقيق

ربع كوب حليب بودرة

ثلث كوب زيت

ماء دافي للعجن

معلقة صغيرة خميرة فورية

معلقة كبيرة سكر

نصف معلقة صغيرة ملح

الحشو

ربع كيلو ستيك (مقطع شرائح طولية ومتبل بالملح والفلفل الأسود ومتشوح)

نصف كوب مشروم

شرائح (فلفل أخضر و بصل و زيتون)

صلصة أو كاتشاب

جبنة موتزاريلا

طريقة التحضير

- نخلط المكونات الجافة كويس وبعدين نضيف الزيت ونخلطهم مع بعض كويس وبعدين نضيف الماء الدافي بالتدريج

ونعجن كويس لحد ما العجينة تلم معانا وندهنها زيت بسيط

ونغطيها نسيبها تخمر في مكان دافي لمدة ساعة

- نرش شوية دقيق على الرخامة وهنفرد العجينة عليها بالنشابة

- نسخن الفرن على درجة حرارة عالية وندهن الصينية بالزيت ونرش عليها دقيق بسيط

ونحط فيها العجينة اللي فردناها ونسيبها 10 دقايق تستريح

وبعدين نضغط عليها بإيدينا ونعملها حواف من الأطراف

- نضغط على العجينة بأطراف الأصابع وبعدين نخرمها بالشوكة

- نفرد الصلصة على العجينة ونحط الحشو ماعدا الموتزاريلا

وندهن الأطراف زيت بسيط وندخلها الفرن 10 دقائق

- نطلعها نحط عليها الموتزاريلا وندخلها الفرن تاني لحد ماتستوي والموتزاريلا تسيح

وتاخد لون حلو وعشان الموتزاريلا تسيح وتمط معاكي

لازم تكوني مطلعاها من الفريزر قبل الاستخدام بساعتين لحد ما تفك وتبقى طرية