بيتزا الدجاج بصوص الباربكيو

 

المقادير

2 كوب دقيق

ربع كوب حليب بودرة

ثلث كوب زيت

ماء دافي للعجن

معلقة صغيرة خميرة فورية

معلقة كبيرة سكر

نصف معلقة صغيرة ملح

الحشو

كوب ونصف دجاج مطبوخ أو مشوي مقطع شرائح صغيرة

2 كوب جبن موتزاريلا

نصف كوب صوص باربيكيو

ربع بصلة كبيرة مقطعة شرائح رقيقة جداً

كزبرة طازجة حسب الرغبة

طريقة التحضير

- نخلط المكونات الجافة كويس وبعدين نضيف الزيت

ونخلطهم مع بعض كويس وبعدين نضيف الماء الدافي بالتدريج

ونعجن كويس لحد ما العجينة تلم معانا وندهنها زيت بسيط

ونغطيها نسيبها تخمر في مكان دافي لمدة ساعة

- نرش شوية دقيق على الرخامة وهنفرد العجينة عليها بالنشابة

- نسخن الفرن على درجة حرارة عالية وندهن الصينية بالزيت ونرش عليها دقيق بسيط

ونحط فيها العجينة اللي فردناها ونسيبها 10 دقايق تستريح

وبعدين نضغط عليها بإيدينا ونعملها حواف من الأطراف

- نضغط على العجينة بأطراف الأصابع وبعدين نخرمها بالشوكة

- نحط طبقة رقيقة من صوص الباربكيو فوق العجينة

ونحط فوقها طبقة رقيقة من الجبنة الموتزاريلا وشرائح البصل

- نضيف الدجاج المشوي في طبق

ونضيف عليه قليل من صوص الباربكيو وبعدين نوزع قطع الدجاج فوق البيتزا

- نرش طبقة كمان رقيقة من الجبنة فوق البيتزا

ونضيف الكزبرة المفرومة حسب الرغبة وندخلها الفرن ونخبزها لحد ما تستوي