مكرونه ماك اند تشيز ولحمه بالكريمه

 

طريقه اللحمه

اللحمه تكون بوفتيك بقطعها رفيع خالص وبحط سمن او زيت ف حله

وانزل اللحمه وشويه صويا صوص وفلفل اسود وبهارات لحمه وشوربه واول ماتغلى اوطى

ونسيبها تستوى بعدين بزود كريمه لبانخ وملح

مافيش كريمه لبانى يبقا لبن وقشطه

ونقلب ونغطى ونسيبها تستوى براحتها خالص

ولو احتاجت بنزود شوربه او لبن او كريمة لبانى

ولما تستوى بنحط مشروم (اختيارى)

وندوب معلقه صغيره نشا ف ربع كوبايه ميه

ونحطها ع اللحمه لحد مايتقل والف هنا

طريقه المكرونه

هانسلق المكرونه هانحط زبده ونحط شويه بابريكا وتوم باودر وبصل باودر

ونحط كريم تشيز اى نوع الكيرى سبريد الصغيره ونقلب كويس لحد ماكله يتجانس

ونحط شويه كريمه لبانى طبخ (البديل قشطه) او لبن وفلفل اسود ونقلب

ونحط بقا جبنه شيدر البرتقانى وموتزاريلا ونقلب لحد ماكله يسيح

ويتجانس خالص ويدوب في بعضه وبعدين نحط المكرونه ونقلب