السويت اند ساور تشيكن مع النودلز بتاعتها

 

طريقه الفراخ

الفراخ نص كيلو بتتقطع ويتتبل ب3 معالق كبار زيت سمسم من عند العطار وشويه صويا صوص ومعلقه كبيره سكر وشويه فلفل اسود

وتقلبى بعدين تحطى بيضه وتقلبى وبعدين بنحط ع الفراخ دقيق كتير كده

وتفضلى تقلبى وتفصلى الفراخ عن بعضها

ولو احتاجت دقيق كمان بتزوى لحد ماكل الفراخ تفصل وكل الفراخ اتغلفت بالدقيق كويس بتسخنى ف حله غويطه او طاسه البطاطس زيت كتير

ولما يسخن تحطى واحده واحده مش كلهم وشويه بشويه وتطلعى

وتكملى الباقى تحمير لحد ماكله يخلص وتطلعيه ع مناديل يتصفى

بتقطعى بصل وفلفل احمر

ف بوله بنحط معلقتين كبار سكر و4 معالق كبار خل ومعلقتين كبار كاتشب ونص كوبايه ميه وربع كوبايه صويا صوص وتقلبيهم

ف حله تحطى شويه زيت وتنزلى الخضار مع شويه توم مفروم وتقلبى

وبعدين تحطى الفراخ وتقلبى وبعدين تنزلى الصوص ف حته فاضيه من الحله ع جنب كده تغلى بس وبعدين تقلبى كله مع بعضه تقلبتين وتط وكده خلصنا الفراخ

طريقه المكرونه

المكرونه النودلز بتجيبى مكرونه شرايط وتسلقيها في ميه وشويه زيت وملح

ف بوله بتكونى محضره شويه كاتشب بشويه صوصيا صوص بس نختار الصويا صوص

واحنا بنجبها النوع الغامق عن العاده وربع كوباية ميه متدوب فيه معلقه صغيره نشا ممسوحه ومتقلبين مع بعض

ف حله هاتحطى شويه زيت وشويه توم مفروم

وتقطعى فلفل احمر واخضر وتقلبى شويه وبعدين تحطى الصوص وتقلبى وتحطى رشه فلفل اسود وجنزبيل

وبعدين تحطى للمكرونه وتقلبتين

وبالف هنا