طريقه اللحمه
المقادير دى لـ كيلو لحمه مفروم
هانحط بصله وسط مفروم ناعم وتَوم مفروم وفلفل اسود وبهارات لحمه وملح ونعجن كويس ونكور
في حله مش بتزق نحط زبده كتير
وننزل فيها الكفته تتحمر من ناحيه بعدين نطلعها وفنفس الحله نحط ٣ بصلات كبار متقطعين شرايح او جوانح ونقلب لحد مايدبل وبعدين نحط معلقتين كبار سكر
ونقلب لحد مايدوب السكر ونغطى الحله ونوطى النار ونسيبه من ٣٠ دقيقه لـ ٤٥ دقيقه وبعدين نحط الكفته ع البصل ونحط شويه ميه او شوربه وشويه فلفل اسود وملح
ونغطى ونسيب الكفته تكمل سوا لقيتوا الصوص تقل تمام جدا لسه سايب نحط ربع كوبايه ميه متدوب فيها معلقه صغيره نشا ونحطها ونقلب هانلاقيها تقلت
وممكن نعفر الكفته ف دقيق قبل مانحمرها الحركه دى بتقل الصوص لوحده ونستغنى عن الميه والنشا
طريقه مكرونه وايت صوص
هانسلق المكرونه فى حله هانحط زبده ودقيق ومكعب مرق
ونقلب ده كويس على النار وبعدين نحط لبن وكريمه لبانى
ونقلب والصوص بيكون سايب مش تقيل زى البشاميل
ونحط رشه فلفل اسور ورشه جوزه الطيب
وبعدين نحط عليها المكرونه ونقلب تقلبتين والف هنا
0 تعليقات