اعلانااااااااااااااااااااا

بيتزا بالفراخ

بيتزا بالفراخ 

المقادير

2 كوب دقيق
ربع كوب حليب بودرة
ثلث كوب زيت
ماء دافي للعجن
معلقة صغيرة خميرة فورية
معلقة كبيرة سكر
نصف معلقة صغيرة ملح

الحشو

4 صدور فراخ شرائح
شرائح (بصل ، طماطم ، فلفل ، زيتون)
2 فص ثوم مفروم
نصف معلقة بابريكا
ملح وفلفل اسود
صلصة
جبنة موتزاريلا

طريقة التحضير

⁃ نخلط المكونات الجافة كويس وبعدين نضيف الزيت
ونخلطهم مع بعض كويس وبعدين نضيف الماء الدافي بالتدريج
ونعجن كويس لحد ما العجينة تلم معانا وندهنها زيت بسيط
ونغطيها نسيبها تخمر في مكان دافي لمدة ساعة

⁃ هنحط الفراخ في طاسة فيها زيت على النار مع الثوم والبابريكا والملح والفلفل
وممكن تضيفوا أي بهارات تحبوها وخلوها على النار لحد ما تستوي

⁃ نرش شوية دقيق على الرخامة وهنفرد العجينة عليها بالنشابة

⁃ نسخن الفرن على درجة حرارة عالية وندهن الصينية بالزيت ونرش عليها دقيق بسيط
ونحط فيها العجينة اللي فردناها ونسيبها 10 دقايق تستريح
وبعدين نضغط عليها بإيدينا ونعملها حواف من الأطراف

⁃ نضغط على العجينة بأطراف الأصابع
وبعدين نخرمها بالشوكة وندهنها صلصة بعيد عن الأطراف

⁃ نحط الحشو ماعدا الموتزاريلا
وندهن الأطراف زيت بسيط (اختياري) وندخلها الفرن 10 دقائق

⁃ نطلعها نحط عليها الموتزاريلا
وندخلها الفرن تاني لحد ماتستوي والموتزاريلا تسيح وتاخد لون حلو
وعشان الموتزاريلا تسيح وتمط معاكي
لازم تكوني مطلعاها من الفريزر قبل الاستخدام بساعتين لحد ما تفك وتبقى طرية

إرسال تعليق

0 تعليقات