وصفات - فى اول الصفحه

نصايح مهمة لنجاح البيتزا

نصايح مهمة لنجاح البيتزا 

- لازم تتأكد إن المكونات اللي هنستعملها كويسة
وإن جميع مكونات عمل العجينة تكون بدرجة حرارة الغرفة ومش باردة

- نختبر الخميرة قبل استعمالها بوضع معلقة منها مع معلقة صغيرة سكر و ربع كوب ماء الدافئ
ونسيبها على جنب لو عملت فقاقيع يبقى الخميرة كويسة
ولو محصلش فقاقيع يبقى الخميرة غير صالحة للإستخدام

- لازم الماء اللي هنعجن بيه يكون دافي مش سخن

- لما نحضر العجينة لازم نغطيها ونحطها في مكان دافي لحد المدة المحددة في الوصفة
وبلاش نهمل الخطوة دي لأن العجينة بتحتاج تتفاعل مع الخميرة وتحب ترتاح قبل فردها

- لو الجو برد ممكن نحط الطبق اللي فيه العجينة في الفرن عشان تخمر كويس

- عند استعمال الخضار على البيتزا
لازم ننشفه كويس قبل ما نحطه على العجينة عشان نتجنب ذوبان العجينة

- نخلي بالنا ونحط كميات معتدلة من المكونات على العجينة
وبلاش نزود منها عشان نحصل على عحينة ومكونات ناضجة تماماً
ويفضل إننا نضغط على العجينة بأطراف الأصابع ونخرمها بشوكة قبل إضافة المكونات

- نخبز البيتزا على درجه حرارة متوسطة عشان تستوي كويس والعجينة ماتنشفش وتتحرق
ولازم نسخن الفرن حوالي 20 دقيقة قبل ما ندخل البيتزا فيه

- عشان الموتزاريلا تسيح
وتمط معاكي لازم تكوني مطلعاها من الفريزر قبل الاستخدام بساعتين في الشتا
او ساعة في الصيف لحد ما تفك وتبقى طرية

إرسال تعليق

0 تعليقات