الملوخية بالجمبري

 

المقادير

5 كوب ماء مغلي

ملح وفلفل و ورق لورا

بصل- جزر - كرات- كرفس - شرائح ليمون

خل ابيض

10 جمبري كبير بقشره

10 جمبري وسط بقشره

الملوخية

5 كوب من شوربة الجمبري

2 ونصف كوب ملوخيه متخرطه

نصف معلقة بيكنج صودا

نصف ملعقه ملح

نصف ملعقه كمون

الطشة

1 أو 2 معلقة سمنة بلدي

2 معلقة كبيرة ثوم مفروم

فلفل احمر واخضر مفروم

حبة طماطم صغيرة مبشورة

معلقة كبيرة كسبرة ناشفة

ملح وفلفل اسود

طريقة التحضير

- فى حلة على النار نحط فيها بصل وجزر وكرات وكرفس وشرائح ليمون وملح وفلفل وورق لورا وخل يغلوا

ونضيف الجمبرى يتسلق ونصفيه

-نحط شوربة الجمبري تغلي

ونضيف الملوخية والبيكنج صودا والملح والكمون

ونقلبهم مع بعض لحد الحصول على قوام مناسب

ولما تغلي نرفعها من على النار

- في طاسة على النار نضيف السمن

ونشوح الثوم والكسبرة والفلفل الاحمر والاخضر ونضيف ملح وفلفل

لحد ما تاخد لون ذهبي فاتح نضيف حبج الطماطم المبشورة

وبعدين نضيفها على الملوخيه ونقلبهم مع بعض

وممكن ناخد شوية جمبري على جنب

ونضيفهم مع الطشة حسب الرغبة

⁃ نجيب طواجن ونرص فيها الجمبرى المسلوق

ونصب عليه الملوخية وبعدين نقدمها

نصائح مهمة 👌🏼

- ممكن تضيفي قطرات صغيرة من عصير الليمون للشوربة قبل ماتحطي الملوخية

هتديكي لون أخضر جميل للملوخية

- ضيفي نصف ملعقة صغيرة من البيكنج صودا

وقلبيها مع الملوخية قبل ماتحطيها في الشوربة

لأن البيكنج صودا بيساعد في رفع القوام

وهيخليكي تحصلي على ملوخية قوامها مظبوط زي المطاعم بالظبط

- اوعي تغطي حلة الملوخية

وهي سخنة عشان لونها مايتغيرش وتبقى غامقة وتسقط في القاع

وبلاش تسيبيها تغلي كتير يادوب تاخد غلوة واحدة