المقادير
- قطعة ستيك وزنها 300 جرام ممكن تجمدوها شويه علشان تعرفوا تقطعوها رفيع اوووي طريقة
- بصله كبيره متقطعه مكعبات صغيره
- ملح وفلفل اسود حسب ما بتحبوا
- شرائح جبن موزاريلا دومتي او ممكن شيدر وممكن كمان تكون مبشوره عادي
- 2 ملعقه كبيره ذبده وعليهم فص ثوم كبير مفروم
* نيجي بقي للطريقه ( كل الخطوات ف نفس الطاسه )
اول حاجه نجهز العيش
ندهنه من جوا بالزبده والثوم
وف طاسه سخنه علي النار نحطه ياخد لون ونشيله علي جنب ( الخطوه دي مهمه )
نرجع بقي نحط شويه صغيرين اوووووي زيت
وننزل مكعبات البصل اول لما تاخد لون نشيلها
نفس الطاسه نحط شويه صغيرين زيت وننزل شرائح الاستيك
بس مهم اننا نتاكد ان الطاسه سخنه كويس علشان مش عايزين اللحمه تنزل اي سوائل
نرش بقي الملح والفلفل الاسود
اول لما اللحمه كلها تاخد لون بسيط
ننزل عليها البصل اللي جهزناه ف اول خطوه ونقلبهم 3 او 4 دقائق مع اللحم
اخر مرحله نهدي النار خااااالص ونبدأ نحط الجبن الموزاريلا
واول لما تسيح هننقلها فالساندويتش بعد ماندهنه شويه من المايونيز
بالهنا والشفا
0 تعليقات