كاساديا لحم مفروم

 

المقادير

300 جرام لحم مفروم

½ ملعقة صغيرة كركم

½ ملعقة صغيرة بابريكا

روز ماري حسب الرغبه

ملح وفلفل اسود

جبن شيدر / موزاريلا

بصل مكعبات

فلفل الوان مكعبات صغيرة

ذره حلوه sweet corn ( اختياري )

عيش تورتيلا

الطريقة

علي درجة حرارة متوسطة 2 ملعقة كبيرة زيت ونزلي مكعبات البصل دقيتين

ونزلي اللحم والروز ماري وقلبيهم لحد ما اللحمه يتغير لونها

بعد كدا حطي الكركم والملح والفلفل والصلصه

وقلبيهم كويس وسيبيهم يستوا مع بعض

اخر حاجه بعد السوا حطي الفلفل الالوان وقلبيهم دقيقه واطفي النار

1️⃣ •• طريقة التقديم الاولى

ادهني جنب واحد من التورتيلا زيت وحطيه ف طاسة سخنه علي النار هاديه

وزعي جبن واللحم المفروم عليها ذره حلوه وجبن تاني

واخر حاجه غطيه بـ تورتيلا تاني وادهنيها زبده من فوق

لمدة 3 دقائق لكل جنب او لحد ما تبقي مقرمشة شويه وواخده لون

اقسميها علي 4 او 8

وبالهنا والشفا

2️⃣•• طريقة التقديم التانيه

ادهني جنب واحد من التورتيلا بالزبدة ( الزبدة تحت )

وزعي جبن واللحم المفروم عليها ذره حلوه على نصف التورتيلا وغطىهم بشوية جبن

اقفليها بقي بالنص وحطيها ف طاسة سخنه علي نار هاديه لمدة 3 دقائق

لكل جنب او لحد ما تبقي مقرمشة شويه وواخده لون

اقسميها 2 او 4

وبالهنا والشفا