اعلانااااااااااااااااااااا

ساندويتش كفتة الحاتي

ساندويتش كفتة الحاتي

 

مقادير الكفته

½ ك لحم مفروم فيها نسبة دهن
2 بصله متوسطه مفرومه ناعم ومتصفيه من المياه ( وهنخلي المياه هنحتجها واحنا بنصبع الكفته )
م ص فلفل احمر مفروم
م ص ملح
م ص كربوناتو
م ص فلفل اسود

الطريقة

هنخلط كل المكونات مع بعض ونقلبهم كويس لمده 5 لـ 7 دقائق
الخطوه دي مهمه علشان الكفته تتماسك كويس
وبعد كدا هندخلها التلاجه ساعه
بعد الساعه
هنبل ايدنا بمياه البصل وعليها رشه بابريكا
وهنصبع الكفته علي اسياخ خشب
( انا عملتها صوابع رفيعه علشان بتبقي احلي فالسندوتشات كدا اياً كان نوع العيش )
انتوا اعملوها بالحجم اللي تحبوه
نفرد ورق فويل ف الصينيه اللي هنسوي فيها ونرص الكفته ونغطيها بفويل
وندخلها الفرن تقريباً من 20 لـ 30 دقيقه علي درجه حراره 200
وبعد ما تستوي هنقلبها علي الوش التاني علشان كلها تاخد لون حلو

مقادير العيش الابيض

2 كوب دقيق
م ص سكر
½ م ص ملح
م ك خميره فوريه
م ص بيكنج بودر
م ك خل
مياه دافيه للعجن ( من كوب لـ كوب وربع )

هنحط المكونات الجافه كلها علي بعض ونقلبهم وبعد كدا شويه مياه مع الخل
ونعجن ونزود مياه شويه بشويه لغاية ما العجينه تلم
نعجنها بقي كويس 7 دقائق العجن مهم جدا
وبعد كدا نغطيها ونسبها ساعه تخمر
وبعد الساعه
نقسمها كور ونغطيها ونبدا من اول كوره عملناها
هنفرد العجين سمك حوالي 2 سم
وننقل الرغيف علي ورق زبده مرشوش عليه دقيق
ونكمل باقي العجين بنفس الطريقه
بعد كدا نغطيهم ونسبهم يرتاحو ½ ساعه
بعد ال ½ ساعه
صينيه ستانلس او طاسه تيفال علي نار متوسطه تسخن كويس
ونحط اول رغيف وكل ½ دقيقه نقلبه لغاية ما يتنفخ معانا
وممكن ميتنفخش عادي بس كدا كدا هيتفتح ماعكوا عادي جدا وهيبقي جميل اوي

وياخد لون حلو يبقي هو كدا استوى ونكمل باقي العيش بنفس الطريقه
ومهم اوي غطي كل رغيف يستوي علشان مينشغش

لتجهيز الساندويش

هنحتاج كمان

- بصل احمر متقطع شرايح رفيعه وعليه رشة سماق وكسبره خضرا وبقدونس متقطعين ناعم
- طماطم متقطعه رفيع
- وطحينه للتقديم

إرسال تعليق

0 تعليقات