اعلانااااااااااااااااااااا

McDonald’s Double Cheese Burger


McDonald’s Double Cheese Burger ف 10 دقائق
ف 10 دقائق


 

المكونات

- لحمه مفرومة 20%؜ دهن بدون اي توبل او اضافات خااالص
- ملح وفلفل
- عيش طازه وحلو اي نوع تحبيه
- شرائح جبن للبرجر او جبن شيدر عادية بس طبعا الجبنة بتاعت البرجر احلي وهتديكي نفس الطعم
- كاتشب و مسترده
- بصل ابيض متقطع صغير اوي
- خيار مخلل دواير رفيعه

التحضير

اول حاجه اعملي دواير البرجر بالمقاس والحجم اللي تحبيه
انا عملت الواحده 75 جرام
وبعد كدا لو عندك وقت دخليهم التلاجه 15 مثلا
لو معندكيش يبقي سويهم علي طول في طاسة سخنه اوووي
وطبعاً هنرش ملح وفلفل علي الجنبين وقت السوا
دقيقتين بس لكل جنب
بعدهم حطي شريحة جبنه علي كل برجراريه وهي فالطاسه
وغطيهم وهدي النار لحد لما الجبنه تسيح حطي كل 2 برجر فوق بعض
( يعني يبقي برجر تحت وجبنه فالنص وبعدين برجر وبعدين جبنه )
وبس كدا خلاص
العيش بقي اقسميه نصين
وحطيه علي طاسة سخنه ياخد لون من جوا كدا من غير زيت ولا زبده ولا اي حاجه

التقديم

1- العيش
2- الدبل تشيز برجر
3- كاتشب ومستردة
4- البصل والخيار
5- كاتشب ومستردة تاني
6- وش العيش طبعاً

وكدا خلاص الساندويش جاهز
بالهنا والشفا

إرسال تعليق

0 تعليقات