چوسي لوسي برجر

 

المقادير

200 جرام لحمه بنسبة دهن 20%؜

( نقسهم علي 2 يعني كل 100 جرام لوحده )

- جبنه شيدر مبشور او موزاريلا او الاتنين مع بعض عادي

- شرائح جبن موزاريلا او مبشوره اللي متاح عندك

- ملح وفلفل اسود ( وقت السوا بس )

الاضافات

- صوص بيج ماك

- خس

- كاتشب

الطريقه بقي مفيش اسهل من كدا

نفرد كل 100 جرام بادينا او بكباس البرجر

ونحط علي اول واحده الجبنه بالكميه اللي تحبوها ونحط عليها البرجرايه ال 100 جرام التانيه

ونضغط عليهم ونقفلهم كويس اوي عليشان الجبنه ماتخرجش وقت السوا

ندخله الثلاجه ½ ساعة قبل التسويه

بعد ال ½ ساعه طاسه سخنه اوي علي نار متوسطه نبدا نشوي البرجر 3 لـ 4 دقائق كل جنب

ونرش علي كل جنب ملح وفلفل كدا وهو فالطاسه

( يعني اول لما ننزل البرجر فالطاسه نرش ملح وفلفل ولما نقلبها نرش ملح وفلفل تاني )

وبعد ال 8 دقائق نحط شرائح الموزاريلا

ونغطيهم ونهدي النار خالص لحد ما الجبنه اللي فوق تسيح

كدا اهم مرحله خلصت

مرحلة التقديم سهله وكل واحده ليها طريقتها مش هتغير حاجه فالطعم

عيش

صوص بيج ماك

خس

الجوسي لوسي

كاتشب

واخر حاجه صوص بيج ماك تاني

وبس كدا خلصتي

بالهنا والشفا