اعلانااااااااااااااااااااا

Fried Chicken

Fried Chicken


‎المقادير والطريقه

‎فرخه وزن كيلو ونص
‎هنقطعها 10 قطع

لتتبيل الفراخ

‎م ك بصل بودر ( الضحى - او اي نوع بس يكون خشن مش البودره خالص دا
‎م ك بابريكا
½ م ص فلفل اسود
‎2 مكعب مرق خضار مبشورين ( نحطهم ف الفريزر 10 دقائق وبعد كدا نبشرهم )
‎م ص ملح
‎م ك عصير ليمون
‎م ك خل

‎نتبل الفراخ كويس جدا من كل حته ونعمل فيها فتحات بخله اسنان من تحت الجلد
‎وندخلها الثلاجه الاول ساعه وبعد كدا نطلعها ونسبها برا نص ساعه
‎ونبدا نجهز طبقات الدقيق لتحمير الفراخ

‎هنحتاج 3 طبقات

‎1️⃣ الطبقه الاولى :-
‎دقيق ابيض من غير اي اضافات

‎2️⃣ الطبقه التانيه :-
‎ازازه شويبس صودا
‎بيضه
‎كوب دقيق

‎3️⃣ الطبقه الاخيره :-
2 كوب دقيق
‎باقي خلطه التوابل اللي تبلنا بيها الفراخ
‎ومعاهم
‎م ص بصل بودر
‎مكعب مرق كنور خضار مبشور
‎مكعب مرق كنور فراخ مبشور
‎م ص فلفل احمر مفروم ناعم
‎م ص ملح

‎نبدا نحط الفراخ بالترتيب دا ⬇️
‎دقيق ساده وبعدين خليط الصودا وننزل اي زياده من الخليط
‎واخر حاجه الدقيق اللي عليه التوابل

‎ف اخر مرحله هنضغط علي القطع شويه علشان الدقيق يثبت
وننزل اي زيادات علشان الطبقه المقرمشه متبقاش تخينه وناشفه
‎نحركها جامده علشان الدقيق الزياده ينزل وتاخد شكل حلو
‎وننزلها علي طول ف
‎زيت كتيررر سخن علي درجه حراره متوسطه
‎مش اكتر من 3 قطع او 4 لو صغيرين مع بعض
علشان نحافظ علي درجه حراره الزيت والفراخ تستوي كويس
‎اول ما ننزل ال قطع نهدي النار

‎من 10 لـ 12 دقيقه للقطع الصغيره
14 لـ 15 دقيقه للقطع الكبيره

‎لازم ننضف الزيت بالمصفي من اي حاجه بين كل مره تحمير لغاية ما نخلص الكميه

‎نطلعها علي شبكه او مصفى علشان المناديل هيخليها طريه

‎وبالهنا والشفا

إرسال تعليق

0 تعليقات