اعلانااااااااااااااااااااا

Chicken Mushroom Sandwich - فرايداي من كوك دور

 Chicken Mushroom Sandwich - فرايداي من كوك دور

 

المقادير
( تكفي 5 لـ 6 ساندوتشات )

لتتبيل الفراخ

400 جرام اوراك فراخ مخليه متقطعه صغير
⅓ كوب مياة بصل
عصير نصف ليمونه كبيره
ملعقة صغيره توم بودر
ملح وفلفل اسود حسب ما تحبوا
ملعقة صغيره بابريكا
ملعقه كبيره اويستر صوص

2 ملعقه كبيره زبده + فص ثوم مفروم

بصله كبيره مكعبات صغيره
فلفل اللوان مكعبات صغيره الكميه حسب ما تحبوا
علبه مشروم صغيره متصفيه كويس
موزاريلا الكميه حسب ما تحبوا

الطريقه

( كل الخطوات ف نفس الطاسه )

اول حاجه نجهز العيش
ندهنه من جوا بالزبده والثوم
وف طاسه سخنه علي النار نحطه ياخد لون ونشيله علي جنب ( الخطوه دي مهمه )

نرجع بقي نحط شويه صغيرين اوووووي زيت
الفراخ المتبله اول لما تاخد لون نضيف البصل
ونقلب لغاية ما تتشرب كل المياه اللي فيها

ننزل الفلفل الالوان وتقلبتين كدا
ونحط المشروم ونقلبهم كلهم كويس مع بعض

بعد كدا الـ اويستر صوص

اخر مرحله نهدي النار خااااالص
ونبدأ نحط الجبن الموزاريلا واول لما تسيح
هننقلها فالساندويتش بعد ماندهنه شويه من المايونيز

بالهنا والشفا

إرسال تعليق

0 تعليقات