صينية بطاطس باللحمة المفرومة

 

المكونات والطريقة

الطبقه الأولى

سلقت البطاطس

وهرستها مع جبن سايل وملح وثوم بودر وبصل بودر وفلفل اسود

وخليته خفيف شوي

الطبقه الثانيه

حمصت بصل بزيت وحطيت لحم مفروم لما قرب يستوي

اضفت طماطم معصور مع فص ثوم

وحطيت شوية صلصه وبهارات اللحم وفلفل بودر حار وملح

وتركته يغلي لما قرب يثقل حطيت بقدونس وطفيت النار

الطبقه الاخيره

بشاميل بأي طريقه تحبي

3 كاسات ماء + 5 ملاعق حليب بودر + ملعقه كبيره زبده او ملعقتين زيت + فلفل اسود + نص مكعب ماجي + ملح اذا احتاج وفلفل اسود + 4 ملاعق كبيره دقيق اخلطهم بمضرب

وأحطه ع النار لما يغلي ويقرب يكثف ارفعه من النار

احيانا يحتاج دقيق اكثر حسب النوع بس انا اخلي البشاميل خفيف

وعلى الوجه جبن شيدر و موزريلا

وندخله الفرن من تحت بس يشقر شي بسيط ثم نحمره من فوق وبالهنا