اعلانااااااااااااااااااااا

رز بالخلطه

رز بالخلطه 

 

فى ناس قبل كده سألتنى الرز بالخلطه حلو بالرز البسمتى قولتلهم لا
وانا لسه عند رأيي صراحه الرز المصرى لا يعلى عليه فى اكتساب النكهات وابراز الطعم
بس اتزنقت وقولت اجرب اعمله بنص رز مصرى ونص بسمتى
بس كان تحفه الصراحه الشكل رز بسمتى بس الطعم الى غالب الرز المصرى
وطبعا بيدى كميه لان الرز البسمتى بيبقى اربع اضاعف حجمه
والمصرى بيبقى الضعف فهيعمل كميه وفى نفس الوقت نتيجه تحفه

المقادير

كوب ارز مغسول ومنقوع
4 معالق سكر صغيرين مليانين
1 حبهان
ملح
فلفل
معلقه ص قرفه بودر
معلقه ص قرنفل بودر
سمنه وزيت

الطريقه

فى حله على النار نحط السمنه والزيت والسكر لغايه ما السكر يتكرمل ويعمل رغاوى
ونشيل الحله من على النار عشان السكر مايتحرقش
ونحط البهارات قرفه وقرنفل وفلفل وحبهان ونقلبهم مع بعض
ونرجعها تانى على النار ونحط نص كوب ماء سخنه نذوب فيها السكر المتكرمل كله كويس
ونحط الرز المغسول والمنقوع طبعا ونقلب كله بعضه لغايه ما الرز يتشوح كده مع كل حاجه
ونزود بقى الماء الساخن لغايه ما تغطيه بسيط والملح ونقلب وسويه عادى زى اى رز
اللوز لو عايزه تقشرى اللوز حطيه فى مايه سخنه
وحمرى اللوز الاول وبعد كده الزبيب فى السمنه وحطيها فى طبق التقديم على الارز

ملحوظه

كل كوب رز قدامه 4 معالق صغيرين سكر
ممكن من غير حبهان بس القرفه والقرنفل لازم
انا عن نفسى مش بقشر اللوز
لو السكر اتحرق ارميه واعملى غيره

إرسال تعليق

0 تعليقات