اعلانااااااااااااااااااااا

تشيكن باربيكيو ساندوتش

تشيكن باربيكيو ساندوتش 

المقادير

صدور فراخ متبله ملح وفلفل وزعتر وصوص باربيكيو

كول سلو
(كرنب سلطه موف وابيض - بشر جزر - معلقه كبيره مايونيز - معلقتين صغيرين سكر - معلقه لبن رشه ملح رشه خل)

مخلل خيار ( خيار حلقات رفيعه هنحطه فى مايه سخنه وخل وتوم وفلفل اسود حب وملح وشطه )

عيش كيذر مفتوح ومتحمص فى زبده فى طاسه على النار
بصل متقطع حلقات رفيعه محطوط فى مايه سخنه وخل ورشه سماق ( السماق اختيارى )
صوص باربيكيو
زبده وزيت

الفراخ

هنتبل صدور الفراخ بملح وفلفل وزعتر وندهنها بصوص باربيكيو
ونشوحها فى طاسه سخنه مع زبده وزيت بسيط لغايه ما تاخد لون حلو هنطلعها
ونقطعها وندهنها بصوص باربيكيو تانى ونديها تشويحه سريعه فى الطاسه
عشان تاخد لون الشوى وياسلام لو حتت اتحروقت منك بتبقى تجنن

الكول سلو

هنقطع الكرنب بالسكينه طويل شويه ونحط المايونيز والسكر والملح واللبن ونقلب ونضيف الكرنب وبشر الجزر
ونقلب ونسيبه فى التلاجه على ما نعمل الفراخ والكرنب يكون اتبل كويس

التجميع

هنحمص العيش ونحط الخيار المخلل وبعد كده نرص الفراخ وعليها البصل وعليها الكول سلو
ولو عايزه تحطى جبنه شيدر يبقى تحطيها اول طبقه قبل الخيار
وكلى بقى احلى ساندوتش فراخ مشويه وادعيلى


هتقوليلى ليه يا اسراء مقطعش الفراخ من الاول هقولك عشان هحتطيها كلها فى الطاسه مره واحده فهتنزل مايتها
وهتبقى مسلوقه مش مشويه وهتستوى زياده عن اللزوم وهتبقى ناشفه جدا
احنا عايزنها تاخد لون الشوى من الطاسه وطعم الشوى كمان وتفضل طريه ماشى

إرسال تعليق

0 تعليقات