اعلانااااااااااااااااااااا

صدور فراخ استربس

صدور فراخ استربس

 


المقادير

2 صدر فراخه فيليه متقطعين شرائح بالطول
لتتبيل الفراخ
½ ملعقة كبيرة بصل بودر
ملعقة صغيرة بابريكا
مكعب ونص مرق خضار كنور مبشور
( حطيهم ف الفريزر 10 دقائق وبعد كدا ابشريهم )
عصير ليمونه
ملعقة كبيرة خل
ملح وفلفل حسب ما تحبي
ملعقة كبيرة هوت صوص ( هيكون حراق متوسط مش اوي )

الطريقة

التحضير

تبلي الفراخ كويس واتأكدي ان التتبيله علي كل الحتت من كل اتجاه
انا حطيت كله علي بعضه في كيس وحركته كويس
دخليها الثلاجه ساعه
وجهزي الـ طبقات اللي هتغطي بيها الفراخ
لتغطية الفراخ

الطبقه الاولى
كوب دقيق ابيض من غير اي اضافات

الطبقه التانيه
ازازه شويبس صودا ( صورتها تحت ) او مياه فواره
بيضه
كوب دقيق
واخلطيهم كويس كلهم مع بعض

الطبقه الاخيره
كوب ونص دقيق
ملعقة كبيرة بصل بودر
ملعقة صغيرة بابريكا
مكعب مرق كنور خضار مبشور
مكعب مرق كنور فراخ مبشور
ملعقة صغيرة بابريكا
ملح حسب ما تحبي
واخلطيهم كويس كلهم مع بعض

واعملي الترتيب دا

1- غطي الفراخ بالدقيق الساده
2- نزلي قطعه قطعه فـ خليط الصودا والبيض والدقيق وننزلي اي زياده من الخليط
3- اخر حاجه الدقيق اللي عليه التوابل .. واضغطي علي كل قطعه كويس
اهم خطوة انك تنفضيها كويس من الدقيق الزياده

حركي القطعه كويس اوي لتحت علشان تاخد شكل حلو ونزليها في الزيت علي طول
زيت سخن كويس علي اعلى درجة حرارة
نزلي 3 او 4 قطع بين كل قطعه والتانيه ½ دقيقه
يعني نزلي قطعه واستني ½ دقيقه ونزلي قطعه تانيه
وهكذا علشان تحافظي علي درجة حرارة الزيت
وتطلع مقرمشه وشكلها حلو
وبعد ما تنزليهم هدي النار للنص وسبيها تستوي ومتقلبيهاش خالص

وقت التسوية

4 دقائق تقريباً او لغاية ما توصل للون اللي بتحبيه
طلعيهم في مصفى او علي شبكة علشان المناديل هتخليها طريه

إرسال تعليق

0 تعليقات