كفتة الحاتي

مقادير الكفته

½ ك لحم مفروم فيها نسبة دهن

2 بصله متوسطه مفرومه ناعم ومتصفيه من المياه ( وهنخلي المياه هنحتجها واحنا بنصبع الكفته )

م ص فلفل احمر مفروم

م ص ملح

م ص كربوناتو

م ص فلفل اسود

هنخلط كل المكونات مع بعض ونقلبهم كويس لمده 5 لـ 7 دقائق

( الخطوه دي مهمه علشان الكفته تتماسك كويس )

وبعد كدا هندخلها التلاجه ساعه

بعد الساعه

هنبل ايدنا بمياه البصل وعليها رشه بابريكا و هنصبع الكفته علي اسياخ خشب

( انا عملتها صوابع رفيعه علشان بتبقي احلي فالسندوتشات كدا اياً كان نوع العيش )

انتوا اعملوها بالحجم اللي تحبوه

نفرد ورق فويل ف الصينيه اللي هنسوي فيها ونرص الكفته ونغطيها بفويل

وندخلها الفرن تقريباً من 20 لـ 30 دقيقه علي درجه حراره 200

وبعد ما تستوي هنقلبها علي الوش التاني علشان كلها تاخد لون حلو