حواوشي الحاتي من غير فول صويا

 

المقادير

( 5 لـ 6 رغيف حسب كمية الحشو )

عيش بلدي

سمن او زيت حسب الحاجه

مقادير اللحم

½ كيلو مفروم وش واحد 25% دهن

ليه ضاني مبشورة الكمية حسب تحبي

⅓ كوب فلفل رومي ( مفروم خشن في الكبه )

2 بصله متوسطة ( مفروم خشن في الكبه )

ملعقة كبيرة ونص الـ سبع بهارات

½ ملعقة صغيرة بيكنج بودر

½ ملعقة صغيرة كربوناتو ( ممكن تستغني عنه لو مش عندك )

جوزة الطيب ( اختياري )

½ ملعقة صغيرة سكر

ملح وفلفل اسود حسب ماتحبي

طريقة التحضير

اول حاجه خالص ولعي الفرن علي اعلى درجة

تحضير اللحم

اخلطي كل المقادير مع بعض كويس 4 دقائق ودخليهم الثلاجة لغاية ما تجهزي العيش

افتحي العيش من الجنب بالمقص لأكتر من النص شوية

ادهني العيش كله من جوا بالسمنه او الزيت

ابدئي قسمي اللحمه علي العيش بالكمية اللي بتحبيها

افرمي اللحمه كويس جدا جوا العيش

اخر حاجه ادهني وش العيش من برا بالسمن او الزيت

لفيهم فـ ورق ذبده لو بتحبيه مقرمش

ولو بتحبيه طري شويه غطي ورق الذبده بورق فويل

‎دخليهم علي شبكة فرن سخن حوالي ½ ساعة وكل شويه اقلبيهم لحد ما يستوي

‎حطي تحتيهم صينيه علشان الدهون اللي هتنزل

‎( المدة ممكن تختلف حسب نوع الفرن )

اخر حاجه الفحمه ( اختياري )

عشان يبقي طعمه خرافي نولع فحمه ونديها ريحه التدخين

طبق فويل صغير حطيه وسط الحواوشي بعد ما تشليه من الفويل وورق الذبده حطي فيه فحمه سخنه

وعليها ملعقة صغيرة زيت وغطيهم لمدة 3 دقائق

وبالهنا والشفا