المقادير
لتحضير البرجر
150 جرام لحمه بنسبة دهن 20% من غير اي اضافات او توابل
ممكن تقللي او تكتري وزن اللحمه حسب حجم البرجر اللي عايزاه
ملح وفلفل اسود ( وقت السوا بس )
المقادير لتحضير البصل المكرمل
⬇️ الطريقة مكتوبة اخر البوست ⬇️
ملعقة كبيرة زيت زيتون
ملعقة صغيرة ملح
ملعقة صغيرة خل بلسمك او خل ابيض
ملعقة صغيرة دبس رمان
الاضافات
صوص جبن شيدر
صوص برجر
سلامي او بسطرمة او بيف بيكون ( المتاح عندك )
خس / طماطم
مايونيز
الطريقه
نفرد اللحم بـ ايدك كويس او بكباس البرجر
بعد كدا دخليه الثلاجه ½ ساعة قبل التسويه
وفـ الوقت دا حضري البصل المكرمل الطريقة اخر البوست
⬇️
التسوية
بعد ال ½ ساعه في نفس الطاسه اللي عملتي فيها البصل وتكون سخنت اووووي
وعلي نار عاليا ادهني فيها شوية صغيرين زيت
واشوي البرجر دقيقتين او اكتر حسب حجم البرجر كل جنب
ونرش علي كل جنب ملح وفلفل كدا وهو فالطاسه
( يعني اول لما ننزل البرجر فالطاسه نرش ملح وفلفل
ولما نقلبها نرش ملح وفلفل تاني الفلفل الاسود لما بينزل علي الطاسة
والبرجر بيستوي بيدي طعم شوي وريحه حلوه اوي )
فـ نفس الطاسة بعد مارالبرجر يستوي نزلي شرائح السلامي
وشوحيها كويس لحد ما يقرمش شوية
وبرضو فـ نفس الطاسة افتحي العيش وحطه علي الطاسة وخليه ياخد لون من جوا
مرحلة التقديم سهله وكل واحده ليها طريقتها مش هتغير حاجه فالطعم
انا عملت الترتيب دا 👇🏽
عيش
صوص البرجر
خس
طماطم
البرجر
صوص الجبن
السلامي وبعد كدا البصل المكرمل
مايونيز وبس كدا 🍔 خلصتي
بالهنا والشفا
البصل المكرمل
👇
المقادير
2 بصلة كبيرة متقطعه جوانح
ملعقة كبيرة زيت زيتون
ملعقة صغيرة ملح
ملعقة صغيرة خل بلسمك او خل ابيض
ملعقة صغيرة دبس رمان
الطريقة
علي درجة حرارة متوسطة نزلي الزيت واول لما يسخن شوية
نزلي البصل ورشي علية الملح
وقلبيهم كويس وافضلي قلبيهم كل 4 دقائق لحد ما البصل يكرمل ويبقي لونه بني
هياخد وقت تقريباً نص ساعه
أخر حاجه حطي الخل البلسمك او الخل الابيض و دبس الرمان
قلبيهم دقيقتين وبعد كدا هيكون جاهز
تقدري تقدميه كمان مع ستيك مشوي او صدور فيليه مشوية وطبعاً مع البرجر
0 تعليقات