سوبر كرانشي

 

فـ الوصفة دي هنستخدم ال Panko Bread crumbs

المقادير

( 2 ساندويش large )

صدر فرخة فيليه يقطع الي 4 شرائح بالطول

وخبطي عليهم شويه باي حاجه تقيله

لتتبيل الفراخ

¼ كوب مياه بصل

عصير ½ ليمونه

ملعقة كبيرة خل

2 ملعقة كبيرة هوت صوص

½ ملعقة صغيرة سكر

ملح وفلفل اسود حسب ما تحبي

لتغطية الفراخ

1️⃣ الطبقة الاولى

½ كوب دقيق ابيض من غير اي اضافات

2️⃣ الطبقة التانية

بيضة + 2 ملعقة كبيرة لبن

3️⃣ الطبقة الثالثه

‏Bread crumbs

🥗 الاضافات

تركي مدخن

مايونيز كتيرررررررر

خيار مخلل

🔸 الطريقة

تبلي الفراخ كويس بكل مقادير التابيله

ودخليها الثلاجه ساعه لـ 2 ساعات

بعد كدا اعملي الخطوات دي بالترتيب

1️⃣ حطي الفراخ كلها في الدقيق وغطيها كلها بيه

واضغطي علي كل قطعه كويس

ونفضيهم كويس من الدقيق

2️⃣ نزلي قطعه قطعه في البيض واللبن

3️⃣ اخر حاجه ال bread crumbs

واضغطي عليها اوي

⛔️ اهم خطوة انك تنفضيها كويس من الدقيق الزياده

دخليها الفريزر ½ ساعة

وقت التسويه

زيت سخن كويس علي اعلى درجة حرارة

نزلي 3 قطع بين كل قطعه والتانيه دقيقه

يعني نزلي قطعه واستني دقيقه ونزلي قطعه تانيه

وهكذا علشان تحافظي علي درجة حرارة الزيت

وتطلع مقرمشه وشكلها حلو

وبعد ما تنزليهم هدي النار للنص وسبيها تستوي

متقلبيهاش خالص خالص ✋🏻

⏲ وقت التسوية

4 دقائق تقريباً

طلعيهم في مصفى او علي شبكة علشان المناديل هتخليها طريه

✅ لتحضير الجبنة الموزاريلا السايحه

طاسه تيفال حطي فيها شوية جبن موزاريلا

وهدي النار علي الاخر وغطيها لحد ما تسيح خاااالص

🥖 تحضير الساندويش

1️⃣ حطي مايونيز كتيررررررر وخيار مخلل جوا العيش

2️⃣ الفراخ الكرانشي

3️⃣ التركي المدخن

4️⃣ الموزاريلا السايحة