وصفات - فى اول الصفحه

كبسة بالارز واللحمة

كبسة بالارز واللحمة

المقادير والطريقة

أنا باعملها بقطعية لحم اسمها انتركوت
باخد اللحمة صدمة من الجنبين في معلقة زبدة
بعدها بانزل بالبصل متقطع ورشة فلفل اسود وأقلب
وبعدها توابل الكبسة
عودين قرفة - حبهان - قطعة جنزبيل - ينسون نجمة يعني مش مطحون - معلقة كاري هندي - خلنجان
ودة بيفرق هاتيه من العطار هو عارفه

بنزود ميه سخنة تغطي اللحمة ونهدي النار تستوي نص سوا
بنكون ناقعين الرز البسمتي في مية وملح ربع ساعة بنصفيه
وننزل بيه ونظبط المية بحيث لكل كوب أرز كوب ونصف شوربة
ونهدي النار لحد مايستوي بتتقدم مع مكسرات وسلطة دقوس

الدقوس

طماطم وفلفل اخضر وفص توم مبشورين أو مفرومين نص فرمة في الكبة
وعليهم عصير لمونة ومعلقة خل وملح وفلفل وعلقة هريسة شطة زي ماتحبوا
بيتقدم شيبسى وسلطة خضرا

إرسال تعليق

0 تعليقات