اعلانااااااااااااااااااااا

فراخ مشويه بتتبيله الليمون المعصفر

فراخ مشويه بتتبيله الليمون المعصفر 

المقادير

فرخه وزن كيلو وربع
تتبيله الفراخ (ملح وفلفل وقلب ليمونه مخلله بنعصره ونضيف عليه معلقتين توم مفروم ومعلقتين زبده ورشه زعتر )
قشر الليمون هحطه جوه الفرخه
بطاطا مقشره ومقطعه مكعبات وفصوص توم وعليهم رشه ملح خفيفه
زبده وزيت بسيط

الطريقه

هننقع الفراخ فى مايه وسكر وملح وخل بدل ما اغسلها لمده نص ساعه كده
نشفى الفراخ وصفيها من اى مايه خالص

تبلى الفراخ من جوه وبره وتحت الجلد
وادعكيها بايديكى وجوه الفرخه حطى قشر الليمون المخلل الى عصرتيه

هاتى طاسه كبيره حديد او مانعه للالتصاق
وحطى زبده وزيت بسيط وسخنى الطاسه والزبده تسيح كويس
وادى للفراخ صدمه فى الزبده من كل جانب وخليها تاخد لون حلو
ضيفى معاها البطاطا والتوم مع رشه ملح خفيفه
هاتى ربع فنجان مايه وحطيهم مع الخضار تحت الفراخ
وتدخل الفرن السخن وكل ربع ساعه نفتح عليها
وناخد من مايتها و نسقيها بيها عشان تطلع طريه وجوسى
ولو شربت مايتها فى الفرن زودى حبه صغيره

بتاخد تقريبا ساعه ونص حسب الفرن
انا حطيتها قريبه من تحت عشان فرنى كبير
وحطيت صاجه فوق الفرخه بشويه خلتها تستوى من فوق وتحت فى نفس الوقت وكانت تحفه
بعد ساعه انقليها فوق اعلى مكان فى الفرن بدون فتح الشوايه عشان تاخد لون اكتر تحفه لمده نص ساعه او اقل
المهم لغايه ما تتاكدى ان الوراك استوت تماما
والفرخه اخدت اللون التمام والبطاطا بتدب دوب والف هنا

تقدم مع رز (ابيض او بالمستكه او بالخلطه) وسلطه بابا غنوج وليمون مخلل

إرسال تعليق

0 تعليقات