اعلانااااااااااااااااااااا

فراخ بطعم الفحم والباربيكيو

فراخ بطعم الفحم والباربيكيو

 

المقادير

فرخه بيضاء حوالى 1200 جرام بشيل الرقبه بالسلسله كلها
وافردها واشيل الجلد خالص لو بتحبيها بالجلد سبيه

للتبيله ( ملح وفلفل وزعتر وباربيكيو وبصل مفروم )
فحمه و عصيان شيش وورق زبده وورق فويل
صوص باربيكيو ومعلقه زبده

الطريقه

نغسل الفراخ كويس اوى ونخرمها بالخله
ونحطها فى ميه ساقعه واربع معالق ملح و4 معالق سكر ومعلقتين خل ونسبها تتنقع ساعه

تبلى الفراخ بالبصل المفروم والملح والفلفل والباربيكيو معلقتين كبار تقريبا
ومعلقتين خل وسبيها فى التلاجه ليله كامله

طلعى الفراخ و هاتى عصيان الشيش لو معندكيش السلك بتاع الشوى

التكه المهمه اوى بقى الى هتفرق فى الطعم جدا ولعى فحمه
وحطيها مع الفراخ فى الصنيه ونزلى على الفحمه نقطه زيت صغيره
واقفلى على الفراخ بسرعه عشان تتبل بريحه الفحم وسبيها 10 دقائق كده لغايه ما تبطل تطلع دخان

حطى الفراخ زى الصوره كده وحطى عليها التتبيله
وتتبيله كمان فى الصنيه تحت وشويه مايه سخنين حوالى كوب مايه ومعلقتين زعتر

غطى الفراخ بورق زبده وعليه ورق فويل
وقفليها جامد جدا بتاخد من ساعه لساعه ونص حسب فرنك

دخليها فرن تكونى مشغلاه من فتره وسخن
وحطيها فى النص وسبيها ساعه وبصى عليها بعد كده لو استوت شيلى الفويل
وخدى من الشوربه الى نزلت منها واسقى بيها الفراخ وسبيها فى الفرن شويه
وفى الاخر افتحى الشوايه وادهنى الفراخ بالشوربه
وبعد كده صوص الباربيكيو بالزبده وسيبى حبه لقبل التقديم
اخدت لون تمام من الناحيتين طلعيها وادهنيها تانى وقدميها بقى

انا عملتها مع رز بالمشروم والبسله والزعتر وكارى بسيط وزينت الطبق بالرمان

طريقه الرز

بشوح المشروم فى زبده وملح وزعتر وفلفل واشيله على جنب
وفى نفس الحله نحط زيت مع الزبده و نحط الرز المنقوع والمغسول ومتصفى
مع اضافه البسله و الكارى والملح وفلفل وزعتر بيبقى حلو اوى
وبضيف المشروم بعد ما يتشرب واقلب تقليبه
لو عايزاه مصفر اوى ممكن تضيفى كركم

إرسال تعليق

0 تعليقات