ڤياجرا مشوي بـ وصفة مطعم كوك دور - مع شوية اضافات

 

المقادير

( 2 لـ 3 ساندوتشات )

500 جرام جمبري مقشر الحجم اللي تحبيه

اصابع كابوريا 12 واحد كل واحد يتقطع علي 3

لتتبيل الجمبري

½ ملعقة صغيرة بهارات سمك او كمون

عصير ليمونه

½ ملعقة صغيرة مستردة

ملعقة صغيرة اويستر صوص او صويا صوص ( او ممكن تستغني عن الاتنين لو مش عندك )

ملح وفلفل اسود حسب ما تحبي

اضافات الساندويش

مايونيز

خيار مخلل

هوت صوص او بافلو صوص او french sauce

جبنة موزاريلا سايحه

الطريقه

تبلي الجمبري بكل مقادير التتبيله

ممكن تدخليهم الثلاجه شويه وممكن تشويهم علي طول

التسوية

طاسة تيڤال علي نار عاليا وسبيها تسخن كويس اوي

وحطي شويه صغيرة زيت صغيرين

نزلي الجمبري ووزعيه في الطاسة كلها علشان كله يستوي في وقت واحد

اول لما يغير لونه كله نزلي صوابع الكابوريا المتقطعه

قلبيهم مع بعض دقيقتين مش اكتر

متقلبيش جامد علشان الكابوريا ممكن تتهري وتفك من بعضها وهتبقى وحشه

لتحضير الجبنة الموزاريلا السايحه

طاسه تيفال حطي فيها شوية جبن موزاريلا

وهدي النار علي الاخر وغطيها لحد ما تسيح خاااالص

تحضير الساندويش

1- مايونيز كتيررر وخيار مخلل

2- هوت صوص

3- الجمبري والكابويا

4- موزاريلا سايحة

5- مايونيز

وبالهنا والشفا