اعلانااااااااااااااااااااا

شاورما ابو حيدر ف البيت

شاورما ابو حيدر ف البيت


المقادير

400 جرام ستيك او بفتيك شرايح رفيعه جداا جداا او من السمانه
جمديها شويه وقطعيها رفيع اووي احسن من لما تشتريها متقطعه جاهزه
الجاهزه بتكون تخينه شويه وتمشي اكتر مع الفاهيتا
( وطبعا سيبي الدهن اللي في الانتركوت هيبقي طعمه هايل مع الشاورما )
ممكن تستخدمي ليه ضاني للي حابب

ملعقة كبيره بودرة ثوم
ملح وفلفل اسود حسب ما بتحبي
ملعقة كبيرة سبع بهارات
½ ملعقة صغيره سكر
¼ كوب خل

½ كوب كريمة
( لو مش عندك ممكن تستخدمي زبادي )

طماطم مكعبات صغيرة وبقدونس مفروم
الكمية حسب ما تحبي

نيجي بقي للطريقه

نحط كل المقادير علي اللحمه ( من غير الكريمة او الزبادي )
وقلبيهم كويس اوي وبعد كدا حطي عليهم الكريمة وقلبي كويس
دخليهم التلاجه بقي ليلة علي الاقل لطعم احلى
تاني يوم بقي
شويه زيت فطاسه سخنه اوي علي النار نزلي فيها الشاورما
وافضلي قلبي فيها لغاية ما تتشرب كل السوائل
اول لما تتشرب خليها تاخد لون بقي شويه بعد كدا حطي الطماطم
وقلبيها مع اللحمه لحد ما تدبل شويه
اخر حاجه بقي البقدونس
وطبعاً متنسيش الطحينه مع ساندوتشات الشاورما

إرسال تعليق

0 تعليقات