ريزو كنتاكي الرهيب

 

المقادير

كوب ونص ارز مصري مغسول حلو ومتصفي كويس

50 جرام صدور فراخ مكعبات صغيره اوي

بصله متوسطه مكعبات صغيره ( ابيض )

2 فص توم شرايح بالطول

1 مكعب كنور خضار ( كنور )

2 مكعب فراخ ( كنور )

م ص سكر

1 م ك كاتشب ( شيفي مكس )

1 م ك مسترده ( شيفي مكس )

م ك باربكيو صوص ( هاينز )

م ص صويا صوص فاتح

م ص فلفل احمر مفروم ( مش شرط يكون حراق )

½ م ص ملح

رشة فلفل اسود

كوب ونص مياه مغليه

الطريقة

علي نار متوسطه نحط معلقة كبيرة زيت مع مكعبات البصل والسكر

ونقلبهم لغاية ما ياخد لون دهبي فاتح

نحط بعد كدا الفراخ ونقلب ولما تغير لونها ننزل الثوم والفلفل الاحمر مع التقليب

بعد كدا مكعبات المرق

ونقلبهم لما يدوبوا خالص نحط المسترده والكاتشب والباربكيو ونقلب وبعد كدا الرز

ويكون متصفي كويس ومعاهم الصويا صوص ونقلبهم دقيقتين تلاته مثلا

بعد كدا المياه السخنه ونقلب بشوكه ونغطيه

ونهدي النار خاااااالص ½ ساعه تقريباً