اعلانااااااااااااااااااااا

ساندوتش الكبده الاسكندراني

ساندوتش الكبده الاسكندراني

 


المقادير تكفي شخصين
( 4 مراكب حسب حجم العيش )

300 جرام كبده متقطعه شرايح مربعه رفيعه بقدر الامكان
( جمدوها شويه وقطعوها وهي مجمده علشان تطلع مظبوطه )

5 فصوص توم متوسطين مفرومين ناعم
2 فص صغيرين توم متقطع شرايح
م ص فلفل احمر مفروم
1 فلفل رومي متقطع مكعبات صغيره جدا
½ م ص كمون
م ك خل
½ م ص فلفل اسود
ملح حسب ما بتحبوا

فلفل رومي متقطع مكعبات كبيره
فلفل احمر شرائح
½ ليمونه

نقلب كل المكونات دي علي بعض كويس
ماعدا اليمون والفلفل الاخضر المتقطع كبير
ونبدا

ع نار عاليه شويه زيت حلوييين عليهم م ص سمن علشان تدينا ريحه حلوه يسخنوا كويس اوووي
وننزل الكبده من غير اي اضافات علي 3 مرات وبين كل مره هنقلب كويس
اول ما الكبده كلها تغير لونها 3 دقائق
ونحط خليط التوم اللي عملناه ونقلب كويس دقيتين تاني
كدا بتبقي احلي كتير وانا عن نفسي مبحبش ابدا احط التوم قبل الكبده خااااالص
اخر حاجه الفلفل الرومي مع عصره ليمون ونطفي النار

وخلاص خلصنا
بالهنا والشفا

إرسال تعليق

0 تعليقات