حلقات البصل المقرمشه بالشيتوس

المقادير والطريقه

2 بصله متوسطه ( ابيض ) حلقات تخينه

كوب دقيق

⅓ كوب نشا

م ك بيكنج بودر

م ص توم بودر

½ م ص ملح

كوب مياه بارده

ممكن اقل او اكتر

احنا محتاجين القوام يكون زي قوام الكيكه كدا

هنحط مياه لغايه ما نوصل للقوام المطلوب

هنقلبهم كلهم كويس مع بعض

ونحط ف الخليط دا بصل

نقلبهم براحه علشان البصل ميتكسرش

2 كيس كبير شيتوس Puffs

حار او عادي

مطحون فالكبه او يتكسر كويس وهو فالكيس

ناخد واحده واحده بعد ما نتاكد انها كلها متغطيه بالخليط وننزل اي زياده

ونحطها ف الشيتوس ونضعظ كويس من كل الاتجاهات

بعد ما نخلص الكميه كلها نغطيها وندخلها الفريزر ساعه قبل التحمير

وممكن تتخزن لمده طويله فالفريزر

هنحمرها بعد كدا ف زيت سخن

علي درجه حراره متوسطه

لمده 3 دقائق

وبس كدا خلصنا

بالهنا والشفا