كوردن بلو ساندوتش

 

المقادير

تكفي 2 ساندويتش

صدر فرخة فيليه متوسط يقطع الي 4 شرائح بالطول

لتتبيل الفراخ

½ كوب ماء بصل دوبي معاه ¼ ملعقة سكر

ممكن تستخدمي بصل مفروم ناعم اوي بس تشيليه من علي الفراخ بعد وقت التتبيل وقبل ما تعملي باقي الخطوات

عصير ½ ليمونه

ملعقة كبيرة خل

ملح وفلفل اسود حسب ما تحبي

لتغطية الفراخ

1- الطبقة الاولى

½ كوب دقيق ابيض من غير اي اضافات

2-الطبقة التانية

بيضة + 2 ملعقة كبيرة لبن

3-الطبقة الثالثه

كوب بقسماط ناعم + وملح حسب ماتحبي

الاضافات

روز بيف / لحم مدخن

مايونيز كتيرررررررر

خيار مخلل

جبن موزاريلا سايحة ✅ الطريقة مكتوبه اخر البوست ⬇️

الطريقة

تبلي الفراخ كويس بكل مقادير التتبيله

ودخليها الثلاجه ساعه أو اكثر

بعد كدا اعملي الخطوات دي بالترتيب

1-حطي الفراخ في الدقيق وغطيها بيه

ونفضيهم كويس من الدقيق

2-نزلي قطعه قطعه في البيض واللبن

3-اخر حاجه الـ بقسماط الناعم

واضغطي عليها اوي

دخليها الثلاجة 10 دقائق

وقت التسويه

زيت سخن علي درجة حرارة متوسطه

نزلي الفراخ بين كل قطعه والتانيه ½ دقيقه

يعني نزلي قطعه واستني ½ دقيقه ونزلي قطعه تانيه

وهكذا علشان تحافظي علي درجة حرارة الزيت

وتطلع مقرمشه وشكلها حلو

وبعد ما تنزليهم هدي النار وسبيها تستوي

متقلبيهاش خالص خالص

⏲ وقت التسوية

4 دقائق تقريباً او لحد ما توصل لللون اللي تحبيه

طلعيهم في مصفى او علي شبكة علشان المناديل هتخليها طريه

✅ لتحضير الجبنة الموزاريلا السايحه

طاسه تيفال حطي فيها شوية جبن موزاريلا

وهدي النار علي الاخر وغطيها لحد ما تسيح خاااالص

🥖 تحضير الساندويش

1-حمصي العيش من جوا في الطاسه من غير اي اضافات

2-حطي مايونيز كتيررررررر وخيار مخلل

3-الفراخ الكرانشي

4-اللحم المدخن ( روز بيف )

5-الموزاريلا السايحة