رموش الست مصريه

المقادير

4 كوب دقيق طحين

كوب دقيق سميد

كوب سكر

كوب ونص زبده فيرن او نيوزلاندي

4 بيضه

ربع كوب جوز الهند وممكن نستغني عنه

معلقتين لبن بودره وممكن نستغني عنهم

فانيليا

نص معلقه صغيره بيكينج باودر

الطريقه

هنضرب السمنه او الزبده في السكر كويس لغاية ما تبقي كريمه

ونضيف البيض والفانيليا ونضرب كويس جدا

ننخل الدقيق علي البيكينج باودر علي لبن البودره وجوز الهند

وننزل تدريجياً علي الكريمه ونعجن كويس العجينه بتكون ماسكه نفسها

بتريح خمسه ونشكلها صوابع أو اي شكل انت حابه ونرصها في الصاج

ونعلم عليها بالشوكه وممكن لا براحتك

بعد كدا بندهن وشها بالبيض تكون مقلب بيض علي رشة فانيليا علشان تلمع الوش بيه

تخلص وتدخل الفرن علي حراره 180 لغاية ما تاخد اللون الذهبي ونطلعها

وهيا طالعه هنسقيها شربات ولازم يكون سخن والرموش كمان سخنه ليه

ونضيف علي وشها جوز الهند او الفسدق الأخضر يكون ناعم شويه

العسل

2 كوب سكر

2 كوب ماء

نص لمونه

العسل يكون خفيف مش تقيل