بلح الشام التركي

 

 

المكونات

6 شخص

1.25 كوب دقيق

2 بيضة

فانيليا

2 ملعقة كبيرة زبدة

ملعقة صغيرة نشا

2 ملعقة كبيرة سميد ناعم

كوب ماء

شربات تقيل وساقع

طريقة التحضير

نخلط الدقيق والسميد والنشا

فى كسرونة ع النار نحط المية والزبدة ونسيب الزبدة تسيح

اول ماتسيح الزبدة ننزل بخليط الدقيق ع نار هادية خالص ونقلب لحد ماتلم معانا العجينة وتبقى مش بتلزق ف الجناب

ناخد العجينة نسيبها تبرد شوية

ف العجان بقى ننزل بالعجينة وعليها البيض واحدة واحدة والفانيليا لحد ماتختلط كويس وتبقى عجينة ناعمة ومتماسكة

نجيب كيس الحلوانى ونحط اصغر بلبلة علشان يطلع رفيع وحلو

نجيب طاسة ونحط فيها زيت وننزل بالعجينة من الكيس ونقص بالمقص المقاس اللى يعجبنا ونسيبها ع نار هادية لحد ماتستوى وتحمر

لما نعمل دور تانى لازم نسيب الزيت يبرد شايفين انا حطيتها ع الرخامة علشان تبرد شوية وننزل ببلح الشام وهكذا

نطلعها ع الشربات التقيل ومانسيبهاش كتير ونصفيها من الشربات الزيادة