-->

شوربة الحريرة المغربية



المقادير


200 جرام لحم مقطع مربعات - اختياري

كوب عدس منقوع في الماء

كوب ونصف حمص منقوع في الماء ليلة كاملة

حزمة كرفس مفرومة

حزمة بقدونس مفرومة

كزمة كسبرة مفرومة

بصلة كبيرة مبشورة

4 حبات طماطم حجم كبير

كوب شعيرية

4 معلقة كبيرة دقيق ابيض ناعم

معلقة زنجبيل بودرة

معلقة صغيرة كركم

معلقة صغيرة غير مملوءة فلفل اسود

معلقة كبيرة زيت نباتي

معلقة كبيرة صلصة طماطم مركزة

ماء مغلي

مكعب مرق دجاج أو لحم - اختياري


طريقة التحضير


في حلة الضغط نضيف الزيت والبصل المبشور والزنجبيل والكركم والقليل من الملح حوالي معلقة صغيرة تقريبا ونضيف الفلفل الأسود وحزمة من البقدونس المفروم ونصف حزمة كرفس المفروم

 نضيف تقريباً كوبين من الماء وبعدين نضيف قطع اللحم والحمص

 نقفل حلة الضغط كويس ونسيبها على نار متوسطة لحد ما الماء يقل بكتير واللحم والحمص يستوا

نضيف العدس والطماطم بعد غسلها وهرسها مع القليل من الماء وتصفيتها

 نسيبها لحد ما تغلى كويس وبعدين نتأكد إن العدس استوى وبعدين ناخد الدقيق ونضيف عليه القليل من الماء ونمزجه كويس لحد ما تختفي تكتلات الدقيق

نصب في الحلة كوب ماء بارد ونضيف خليط الدقيق ونقلب ونضيف الماء المغلي بالتدريج مع التقليب المستمر لحد ما القوام يبقى ولا تقيل اوي ولا خفيف اوي نسيبه على نار متوسطة لحد ما يغلى وطبعا مع التقليب من وقت للتاني

لازم نسيب المزيج يغلي كذا مرة عشان يستوي كويس ولازم نشيل التكتلات اللي بتتشكل على السطح كل مرة بملعقة كبيرة

 نضيف الشعرية مع التقليب المستمر عشان ماتلزقش ولو لاحظنا إن المزيج أصبح تقيل جداً ممكن نخففه بالماء

بعد ما الشعيرية تستوي نضيف صلصة الطماطم المركزة بعد تخفيفها بالقليل من الماء ونقلب ونضيف مكعب المرق لو كان متوفر وبعدين ناخد الكسبرة والكرفس المتبقي نمزجه مع الملح لحد ما يبقى ناعم وطبعاً اضافة الملح حسب الذوق

 نضيف مزيج الكسبرة والكرفس والملح للحلة ونضيف معلقة سمنة في الاخر ونقلب ونرفعها عن النار ونغرفها ونقدمها ساخنة

التسمية

عن الكاتب :

انا ورقه طارت 🍂 من شجر نادر 🌳 حطت على أرض بور 🌱

ليست هناك تعليقات

إرسال تعليق

الاسم

بريد إلكتروني *

رسالة *