خبز البريتزل (صميد)

المقادير

 4 ونصف كوب دقيق لجميع الاستخدامات

 2 معلقة كبيرة سكر

 2 وربع معلقة صغيرة خميرة

 معلقة ونصف صغيرة ملح

 كوب حليب

 نصف كوب ماء

 2 ملعقة كبيرة زيت ذرة

 2 بيضة مخفوقة قليلاً

 ملح خشن

طريقة التحضير

- في طبق كبير امزجي كوبين من الدقيق والسكر والخميرة غير المذابة والملح

- في حلة على النار حطي الحليب والماء ودفيهم وبعدين ضيفيهم على خليط الدقيق وقلبي كويس

- ضيفي كمية كافية من الدقيق المتبقي لعمل عجينة طرية

- اعجني على رخامة مرشوشة بالدقيق لحد ما تبقى ناعمة وطرية حوالي 4 - 6 دقائق 

- خلي العجينة ترتاح لمدة 10 دقائق وقسميها 10 قطع متساوية الحجم

- غطيها وسيبيها ترتاح لمدة 5 - 10 دقايق لحد ما ترتفع شوية

- نشكل العجينة حسب الرغبة : ممكن نلف الكرة على شكل صابع رفيع ونضم نهاية الطرفين بشكل متعاكس ونعيدهم ونلصقهم داخل الدائرة

- جهزي 2 صينية فرن مبطنة بالزبدة ورصيهم فيها وادهني كل واحدة بالبيض المخفوق

- اخبز على درجة حرارة 180 درجة لمدة 15 دقيقة. خرجيه من الفرن وادهنيه مرة كمان بالبيض. ورشيه بالملح أو الجبن المبشورة أو السمسم

⁃ دخليه الفرن تاني واخبزيه لمدة 15 دقيقة أو لحد ما يستوي وياخد لون

- خرجي الصواني من الفرن وارفعي الخبز على رف شبكي وخلي يبرد