-->

طريقه عمل كنتاكى



المكونات

فرخه
تتبيله بروست
مياه
دقيق
نشا
ملح

الطريقه

الخطوة الاولي

لازم الفرخة تكون من كيلو و 200 جرام ل كيلو و نص مش ازيد من كدا
بنقطع الفراخ 9 قطع ونغسلها كويس 
ونجيب سكينه طرفها رفيع ونغز الفراخ كذا غزة كدا 
ونجيب كيس ساندوتشات كبير و نحط فيه الفراخ

ربع كيلو من التتبيله بتاخد لتر مياه تكفي 6 فرخات
هتتبلي الفرخة ب 5 جنية بس
هتقسمي الربع كيلو ل 6 مقادير متساوية 
ومع كل فرخة تاخدي مقدار و كليهم كوباياتين مياه من الحنفية

يتم تقليب "المايه وخلطة كنتاكي" مع بعض كويس 
وبعدين تضفيها على الفراخ في الكيس 
وتربطي الكيس و تسبيه ومش شرط 24 ساعة الحار ممكن تستخدميها بعد 3 ل 5 ساعات
لو مش عايزها حراقة اوي و العادية ممكن تبات ليلة كاملة عادي

الخطوة التانيه

هنحتاج فيها
2 طبق غويط 
مصفا 
مياة ساقعه
وزيت غزير للتحمير او قليه كهربا

حله صغيره نملاها زيت يادوب تغطي الفرخة بس ونسيبه يسخن جداااا علي نار متوووسطة

الفرخة بتاخد 3 كوبايات دقيق و معلقة ممسوحة نشا ومعلقة ملح ونص معلقة بيكنج بودر 
(في المطعم بيستخدم دقيق بس لكن انا بقول الطريقة ديه عشان تضمني نتيجة حلوة للكفر)

هنطلع الفراخ ونحطهم في طبق الدقيق 
ونقعد نقلبها فى الدقيق من تحت لفوق كويس 10 مرات من غير ما نلمس الفراخ خالص

وبعدين بالمصيف هنحط الفراخ ونهزها ننزل منها الدقيق الزيادة

هناخد المصفه الي فيها الفراخ ونغطسها في الطبق الي فيه الماية الساقعة لمدة ثانيه
يعني يادوب بس تلمس الماية الساقعه
والخطوة دي مهمه عشان القرمشه

وبعدين هننزل بالفراخ تاني ف الدقيق ونقبلها فيه كويس
وبعدين ننفضها تاني من الدقيق الزياده ال عليها

وبعدين هننزل بالفراخ في الزيت السخن ونسيبهم حوالي 20 دقيقه
ولازم الزيت يكون سخن ومغطي الفراخ واتكون السوا علي نار متوسطه
عشان الفراخ تستوي كويس وتطلع طريه من جوة وكرسبي من برة وحلوة جداااا

وممكن استخدام الخلطه ديه فى البانيه والبطاطس الفريسكس هتديكم نتيجه فوووق الخيال 

التسمية

عن الكاتب :

انا ورقه طارت 🍂 من شجر نادر 🌳 حطت على أرض بور 🌱

ليست هناك تعليقات

إرسال تعليق

الاسم

بريد إلكتروني *

رسالة *