المكونات
3 ونصف كوب دقيق
تلاته أربع كوب سكر
تلت كوب عسل نحل
100 حم زبده
بيضتين
معلقه ص فانيليا سائله
معلقه ص بيكنج بودر
معلقه ص بيكنج صودا
رشه ملح
الطريقه
اولا بنخل الدقيق مع البيكنج بودر مع الملح واتركهم على جانب
وفى كسروله على النار اضيف السكر مع العسل مع الزبده
يندمجوا ويسخنوا ويعملوا فقعات وقتها انزل بمعلقه البيكنج صودا
هتلاقوا الفقاعات زادت ولون الخليط شبه الكراميل الفاتح
اطفى عليه واسيبه 10 دقائق يهدى
واخلط الفانيليا مع البيض واضيفهم لخليط العسل واقلب بمضرب السلك اليدوى
بندمج كويس وبعدين اضيفهم الدقيق وألم العجينه
تبقى عجينه شبه عجينه السابليه بس لونه بنى وبتلزق فى الايد
واقسمها ل8 كورات متساوية وافردها بالنشابه
واقطعها بإطار أو غطا حله مدور
ولسهوله الشغل بيبقا جانبى طبق فى شويه دقيق
علشان افرد بيه العجينه من غير ما تلزق
واعمل 8 بسكوتات مدورين واخرمهم بالشوكه
واخبزهم بالفرن حراره 180 لمده 10 دقائق
والحتت اللى بتكون باقيه من العجينة بخبزها هحتاجها
اجهز الحشوه
علبتين قشطه بوك وكوب حليب محلى مكثف ونصف كوب كريم شانتيه بودر
اجهز 8 طبقات من البسكويت بين كل واحده والتانيه بضيف معلقه كبيره من الحشوة
وارصهم فوق بعض
وكمان اغطى الكيك بالحشوه
بقطع البسكوت المتكسره اللى خبزتها
اضربها بالكبه تنعم شويه واغطى الكيك بالكامل
وتزينن زى ما تحبى
انا زينتها بالشكولاته البيضا
والنحلات بعجينه السكر
