المقادير
2 كوب دقيق
نص كوب زبادي
نص كوب مياة
معلقة زبدة
نص معلقة بيكنج بودر
نص معلقه سكر
ربع معلقة ملح
الطريقة
نقلب المواد الجافة كلها مع بعض الاول
وننزل بالزبادي ثم المياه شويه شويه لحد لما العجين يلم
ثم نعجنها بمعلقة الزبدة وممكن بالزيت بس بالزبدة أحلي بكتير
نعجنها حلو اوي ونقطعها قطع صغيرة قد الليمون ونغلفها بورق استرتش نص ساعه
بعد نص ساعه نفردها بالمردنه مع رشه دقيق عشان ميلزقش ويتفرد حلو
وفي طاسة علي نار هادية ندهنها بالفرشه زيت وننزل بالعيش علي وجهه دقيقتين
مع جبنه ومربي وكوب شاي بالحليب
وبألف هنا عليكم
