تارت الكيوي

المقادير

400 جرام دقيق

125 جرام سكر بودره

بيضه

250 جرام زبده

معلقة فانيليا 

5 حبات كيوي متقشرة ومتقطعه حلقات

كباية كريم باستري وكباية الكريم باستري بتحتاج كبايه ونص لبن أو مياه بارده وبدون سكر 

لأنه فيه السكر الخاص به ونضربهم لحد ما القوام يبقا متجانس

طريقة التحضير

اضربي الزبده مع السكر البودره بإيدك لحد ما تكون هشه 

وبعدين حطي البيضه عليهم مع التقليب المستمر

ضيفي الفانيليا والدقيق لحد ماتلاقي العجين متماسك

هتقسمي العجين على قد حجم الصينيه اللي هتعملي فيها التارت

إفردي العجين فى الصينيه وإعمليلها أطراف فى جوانب الصينيه سمكها حوالي نص سم إخرميها بالشوكه قبل ما تدخليها الفرن على درجة حراره 180 لمدة ربع ساعه

لما تخرجيها من الفرن خليها تبرد وحطي الكريم باسترى على كل الصينيه وبعدين ترصي كل حلقات الكيوى بشكل جميل على التارت دخليها التلاجه 3 ساعات 

وبالهنا والشفا