وصفات - فى اول الصفحه

طريقه عمل كيك الليمون



المقادير

2 معلقه صغيره بيكنج باودر
3/4 كوب سكر ناعم 
كوب إلا ربع دقيق
4 بيضات كبار
ربع كوب زيت ذره
رشة ملح
معلقه كبيره من برش الليمون
ربع كوب من عصير الليمون
2 معلقه صغيره من الفانيلا
ربع كوب زبده

مقادير الصوص

معلقه كبيره من عصير الليمون
نص كوب سكر ناعم
نص كوب مياه

مكونات التزيين

نص معلقه صغيره من الفانيلا
كوب من السكر البودره
معلقه كبيره من برش الليمون
2 معلقه كبيره عصير ليمون

طريقة التحضير

اضربي البيض والفانيلا والسكر مع بعض دوبيهم كويس
ضيفي الزبده وبرش الليمون والزيت لخليط البيض واضربيهم لمدة 5 دقايق
تنخلي الدقيق والملح والبيكنج باودر مع بعض
وتحطيهم على الخليط وتصبي عصير الليمون وتخلطيهم براحه
هاتي قالب الكيك وادهنيه أو بطنيه بورق الزبده
وبعدين صبي خليط الكيك فيه ودخليه الفرن ولازم الفرن يكون سخن طبعاً 
اخبزي على حراره عاليه لمدة 10 دقايق
قللي حرارة الفرن لـ180 درجه لمدة 40 دقيقه لحد ما تستوي

تحضير الصوص

حطي السكر والمياه على نار هاديه ولما تغلي ضيفي عصير 
وحركيه براحه وبعدين ارفعيه من على النار
اقلبي الكيك على شبك معدني خرميها اخرام صغيره 
وتشربيها تدريجي بالصوص وهو سخن وادهن جوانبها وسبيها تبرد

تحضير التغطيه للتزيين

حطي السكر والفانيلا وعصير الليمون في طبق غويط
وحركيهم بمعلقه بسرعه لحد ما الخليط يبقى متجانس
حطي الخليط في كيس التزيين وزيني الكيك بيه ورشيها ببرش الليمون 
وممكن تضيفي على الوش المكسرات اللي تحبيها

إرسال تعليق

0 تعليقات