البيتزا الايطالي

المقادير

4 ونص كوب دقيق

كوب ونص مياه سخنه

4 معالق كبيره زيت زيتون

معلقه ونص صغيره عسل

2 وتلت معلقه صغيره ملح الخشن

3 وتلت معلقه صغيره خميره جافه

طريقة التحضير

دوبي العسل في الميه السخنه وضيفي الخميره وحركي وتسبيها 6 دقاق تتخمر

تجيبي طبق عجن غويط تخلطي الدقيق والملح 

وبعدين تضيفي خليط الخميره و3 معالق كبيره زيت زيتون 

وتعجبني لحد ما تلاقي العجين زي كوره لزجه كده

تسيبي العجينه نص دقيقه ترتاح وتعجنيها تاني على سطح مرشوش بشوية دقيق لمدة 6 دقايق اقل واجب

ادهني طبق واسع بمعلقة زيت وحطي العجينه فيه وحركيها لحد ماتتغطى بالزيت

حطي العجينه في كيس بلاستيك وفرغي الهوا منه واقفيه وحطيه في جو دافي لمدة ساعه وربع

اضغطي على العجينه لحد ما تهبط شويه وقسميها قطع حجمها متوسط بالسكينه

اعملي من كل قطعه كورة عجين وحطيها على سطح الرخامه 

واضغطي عليها بايديكي وامسكيها العجينة ودحرجيها لحد ما تنعم

حطي كل قطعه في كيس بلاستيك ودخليهم التلاجه لمدة 24 ساعه 

وبعدين تخرجيه وتسيبيه يهدا ساعه قبل ما تستخدميه في جو الاوضه

حطي قطعة العجين على الرخامه وافرديها وبعدين حطيها في الصينيه

حطي الصلصه فوق العجينه ووزعي عليها الخضار والزيتون والجبنه المزاريلا

حطي البيتزا على رف الفرن اللي في النص على درجة حراره 180 لمدة 20 دقيقه لحد ماتستوي والجبنه تدوب

نصائح

انخلي الدقيق كويس قبل ماتستخدميه

بلي ايدك بشوية مايه وانتي بتعجني

ممكن تحطي قطع العجين في الفريزر أسبوعين بس اهم حاجه تكوني قافله عليهم الكيس كويس ومفرغاه من الهوا

بلاش تبالغي في فرد العجينه عشان تستحمل المكونات اللي هتتحط عليها

ماتحطيش مكونات كتير لانها كده هتاخد وقت اطول على ما تستوي وممكن تتحرق منك كفايه 3 مكونات بس

افضل انوع مزاريلا ممكن تستخدميه اسمه يونيفرسال

عشان تخلي الجبنه تغطي البيتزا كلها وتمط معاكي هتجيبي كباية لبن تغليها وتحطي عليها نص كباية جبن مزاريلا ونص كباية جبن شيدر مبشوره عليهم معلقة دقيق صغيره دايبه في شوية مايه وبعدين تحطيها على وش البيتزا