-->

كريم كراميل بالقهوه



المقادير

5 بيضات
نص لتر لبن
ملعقتين كبار قشطه أو كريمه
معلقه صغيره فانيليا سايله
5 معالق سكر
رشة قرفه
رشة جوزة الطيب
3 معالق مياه
ربع كباية نسكافيه

الطريقه

هنحط 5 معالق سكر عليهم 3 معالق مياه على النار 
ونقلبهم لحد ما اللون يبقى بني فاتح من غير ما يتحرق 
ونضيف القهوه وبعدين نصب الخليط في قالب ونسيبه يبرد
نخفق البيض ونحط عليه اللبن والقشطه او الكريمه والفانيليا والقرفه وجوزة ونضربهم كويس على سرعه متوسطه وبعدين نصبهم على الكراميل ونجيب صينيه تانيه فيها مياه سخنه 
ونحط فيها القالب عشان نعمله حمام مائي سخن
نحط الصينيه في فرن حرارته متوسطه لمدة 45 دقيقه
بعد 45 دقيقه نتأكد من السوا نغرز سكينه في نص الكريم كراميل
لو خرجت السكينه نضيفه ومفيش حاجه لازقه فيها فده يدل إنه استوا
نخرجه ونرش الوش بشوية بن او بودرة كاكاو ونسيبه يبرد 
ونحطه في التلاجه لمدة 6 ساعات اقل واجب 
وبالهنا والشفا

التسمية

عن الكاتب :

انا ورقه طارت 🍂 من شجر نادر 🌳 حطت على أرض بور 🌱

ليست هناك تعليقات

إرسال تعليق

الاسم

بريد إلكتروني *

رسالة *