كرات لحمه بصوص الألفريدو

المقادير

نص كيلو لحمه مفرومه

كبايه ونص جبنه موتزاريلا

كباية جبنه بارميزان

كباية بقسماط مطحون

فصين ثوم مفروم

بيضه

معلقه كبيره لبن

نص معلقه صغيره ريحان مجفف

نص معلقه صغيره زعتر مجفف

ملح وفلفل اسود مطحون

مقادير الصوص

كباية كريمه سايله

كبايه ونص جبنه بارميزان مبشوره

ربع كباية زبده

ملعقه صغيره ثوم مفروم وناعم جدا

نص معلقه صغيره ملح

نص معلقه صغيره فلفل اسود

طريقة التحضير

نسخن الفرن على 375 درجه

في طبق غويط هنحط اللحمه المفرومه والجبنه البارميزان والبقسماط والثوم والبيضه واللبن والريحان والزعتر ونتبلهم بالملح والفلفل الاسود ونخلطهم بايدينا كويس 

ونقسم اللحمه لكرات متوسطة الحجم ونرصها في صينيه مدهونه زبده او زيت 

وندخلها الفرن لمدة 20-25 دقيقه

واللحمه بتستوي هنحط الكريمه والزبده في طبق على نار متوسطه 

واول ما تبدأ تغلي نضيف معلقة الثوم المفروم 

ونسيبها تغلي 30 ثانيه على النار وبعدين نرفعها من ع النار 

ونضيف الجبنه البارميزان والملح والفلفل 

ونحرك كويس عشان الجبنه تدوب وقوام الكريمه يبقا تقيل

نخرج كرات اللحم من الفرن ونغطيها بصوص الألفريدو 

ونوزع فوقها الجبنه الموتزاريلا وندخلها الفرن تاني 5 دقايق وبالهنا والشفا